ສິ່ງທີ່ໜ້າສົນໃຈໃນທ້ອງຖິ່ນ

ສິ່ງທີ່ໜ້າສົນໃຈໃນທ້ອງຖິ່ນ

angkham January 7, 2014 Respond

ວີດີໂອກ່ຽວກັບການທ່ຽວຊົມປະເທດລາວ

ສະບາຍດີ ແລະ ຍິນດີຕ້ອນຮັບເຂົ້າສູ່ ນະຄອນຫຼວງວຽງຈັນ, ປະເທດລາວ. ສປປ ລາວ ເປັນປະເທດທີ່ມີສະເໜ່
ຕັ້ງຢູ່ໃຈກາງຂອງອາຊີຕາເວັນອອກສຽງໃຕ້, ເປັນດິນແດນທີ່ເຕັມໄປດ້ວຍວັດວາອາຮາມທາງສາສະໜາພຸດ,
ງານບຸນມະໂຫລານຕ່າງໆທີ່ເຕັມໄປດ້ວຍສີສັນ, ຕະຫຼາດຜ້າໄໝ ແລະ ສິ່ງມະ ຫັດສະຈັນທາງທໍາມະຊາດ.

ໃນຂະນະທີ່ທ່ານພັກອາໄສຢູ່ນໍາພວກເຮົາ, ພຽງແຕ່ຂັບລົດອອກໄປໂດຍໃຊ້ເວລາສັ້ນໆຈາກ ໂຮງແຮມອ່າງຄໍາ
ກໍ່ສາມາດໄປທ່ຽວຊົມສະຖານທີ່ຕ່າງໆທີ່ໜ້າສົນໃຈໃນທ້ອງຖິ່ນໄດ້ແລ້ວ.

ອະນຸສາວະລີ ປະຕູໄຊ ເປັນໜຶ່ງໃນສະຖານທີ່ສຳຄັນທີ່ເປັນທີ່ໜ້າຈົດຈໍາທີ່ສຸດໃນນະຄອນຫຼວງວຽງຈັນ. ຍັງເປັນທີ່ຮູ້ຈັກກັນດີວ່າ ອະນຸສາວະລີແຫ່ງໄຊຊະນະ, ແມ່ນໄດ້ຮັບການອອກແບບຄ້າຍຄືກັບ ອານຸສາວະລີ “ອາ ເດ ທຣີເຟ (Arc de Triomphe)” ໃນນະຄອນຫຼວງປາຣີສ, ປະເທດຝຣັງເສດ. ອະນຸສາວະລີນີ້ ໄດ້ຖືກສ້າງຕັ້ງຂຶ້ນໃນລະຫວ່າງປີ 1957 ແລະ 1968 ໂດຍນໍາໃຊ້ກອງທຶນຈາກອາເມລິກາ ແລະ ປູດ້ວຍຊີມັງ ຊຶ່ງຕັ້ງໃຈວ່າຈະນຳມາສ້າງເປັນສະໜາມບິນແຫ່ງໃໝ່. ມີຂັ້ນໄດຫຼາຍຂັ້ນຢູ່ດ້ານໃນຂອງເສົາຄໍ້າອະນຸສາວະລີ ຊຶ່ງທ່ານສາມາດໄຕ່ຂຶ້ນໄປຫາຊັ້ນ 7 ໄດ້ຊຶ່ງເປັນຍອດສຸງສຸດຂອງອານຸສາວະລີ, ແລະ ທ່ານກໍຈະສຳພັດກັບທັດສະນີຍະພາບຕ່າງໆຂອງນະຄອນຫຼວງວຽງຈັນໄດ້ໄກສຸດສາຍຕາ.

ວັດຫໍພະແກ້ວເປັນໜຶ່ງໃນຈໍານວນວັດທີ່ໜ້າປະທັບໃຈທີ່ສຸດໃນນະຄອນຫຼວງວຽງຈັນ. ແຕ່ເດີມແມ່ນຖືກສ້າງຕັ້ງຂຶ້ນໃນປີ 1565 ເພື່ອເປັນວັດສ່ວນບຸກຄົນຂອງຄອບຄົວກະສັດລາວ, ຊຶ່ງຕໍ່ໄດ້ກາຍເປັນທີ່ປະຕິ ສັງຂອນຂອງ ພຣະແກ້ວມໍລະກົດ ຫຼັງຈາກທີ່ ເຈົ້າເສດຖາທິລາດ ນໍາມາຈາກ ເມືອງຊຽງໃໝ່, ແລະ ຈາກນັ້ນໄດ້ສະຖາປະນາເປັນເມືອງຫຼວງຂອງອານາຈັກລ້ານນາ (ອານາຈັກບູຮານທີ່ເກີດຂຶ້ນກ່ອນປະເທດລາວ). ໃນລະຫວ່າງສົງຄາມສະຫຍາມ-ລາວໃນປີ 1778, ສະຫຍາມໄດ້ຍຶດເອົາຮູບປັ້ນສັກສິດນີ້ ແລະ ໄດ້ທໍາລາຍຫໍພະແກ້ວ. ເຈົ້າອະນຸວົງ ໄດ້ສ້າງວັດຂຶ້ນຄືນ, ແລະ ກໍຖືກທໍາລາຍອີກຄັ້ງໃນສະຕະວັດທີ 19 ເມື່ອເຈົ້າອະນຸວົງ ນໍາພາກຸ່ມຕໍ່ຕ້ານການປົກຄອງຂອງສະຫຍາມ. ສຸດທ້າຍວັດຫໍພະແກ້ວກໍ່ໄດ້ຮັບການປະຕິສັງຂອນຄືນໂດຍ ຊາວຝຣັ່ງໃນລະຫວ່າງການທ້ອນໂຮມພາກພື້ນອິນໂດຈີນເປັນຫົວເມືອງຂຶ້ນຂອງຕົນ ລະຫວ່າງໃນປີ 1936 ແລະ 1942.

Angkham Hotel in VIentiane, Laos